सर्वोच्चले दलीय प्रणालीको आधारभूत संरचना भत्काइदियो : एमाले
कानुनको अपव्याख्या गरेर जनादेशका लागि जनतामा जाने निर्णयलाई ‘निरङ्कुश’ भनेको आरोप
काठमाडौँ– प्रमुख प्रतिपक्षी दल नेपाली कांग्रेसले सर्वोच्च अदालतले दलीय प्रणालीको आधारभूत संरचना नै भत्काएर सरकार बनाउने विषय लोकतान्त्रिक भन्ने त्रुटिपूर्ण परिभाषा गरेको बताएको छ । साउन चार गतेबाट सुरु भएर आज सकिएको बैठकले सर्वोच्चको त्रुटिपूर्ण परिभाषाले लोकतान्त्रिक प्रणालीलाई गलत दिशातिर धकेलेको निर्णय गरेको छ ।
बैठकपछि प्रवक्ता प्रदीप ज्ञवालीले जारी गरेको विज्ञप्तिमा सर्वोच्च अदालतले ताजा जनादेशका लागि जनतामा जाने निर्णयलाई ‘निरङ्कुश’ भनेर आरोपित गर्दै कानुनको अपव्याख्या गरेको आरो लगाइएको छ ।
‘मुलुकको सार्वभौमसत्ता र राजकीय सत्ता जनतामा निहित रहनु लोकतन्त्रको मुख्य विशेषता हो । यो सार्वभौमसत्ता र राजकीयसत्ता अभिव्यक्त हुने महत्वपूर्ण माध्यम भनेकै आवधिक निर्वाचन मार्फत् जनताका प्रतिनिधिहरु चयन हुनु र उनीहरुमार्फत् मुलुकको शासन व्यवस्था सञ्चालित हुनु हो,’ प्रवक्ता ज्ञवालीद्वारा जारी विज्ञप्तिमा उल्लेख छ, ‘तर ताजा जनादेशका लागि जनतामा जाने निर्णयलाई ‘निरङ्कुश‘ भनेर आरोपित गर्ने र कानुनको अपव्याख्या एवं दलीय प्रणालीको आधारभूत संरचना नै भत्काएर सरकार बनाउने कुरा चाहिँ लोकतान्त्रिक भन्ने त्रुटिपूर्ण परिभाषाले लोकतान्त्रिक प्रणालीलाई गलत दिशातिर धकेलेको छ ।’
तुलसीलाल स्मृति प्रतिष्ठान, च्यासल, ललितपुरमा बसेको बैठकले सर्वोच्च अदालतको फैसलालाई स्थितिलाई संविधानको अपव्याख्या एवं विभिन्न स्वार्थ–समूहहरुको गठबन्धनको बलमा मुलुकमा अगाडि बढेको सामाजिक–आर्थिक रुपान्तरणको अभियानलाई अवरुद्ध गर्ने र राष्ट्रिय राजनीतिलाई पछाडि फर्काउने कदमका रुपमा विश्लेषण गरेको विज्ञप्तिमा उल्लेख छ । यसले मुलुकको कम्युनिष्ट आन्देलन, लोकतान्त्रिक प्रणाली, संवैधानिक सुव्यवस्था र जनताको सर्वोच्चतामाथि चुनौती खडा गरेको भन्दै एमालेले यसको संवैधानिक, लोकतान्त्रिक र जनपरिचालनका विधिबाट सामना गर्ने निर्णय गरेको छ ।
बैठकले सर्वोच्च अदालतको फैसलाबारे नै नौ बुँदामा व्याख्या गरेको छ । फैसलाले संविधानको अक्षर र भावना, बहुलवादमा आधारित बहुदलीय प्रतिष्पर्धात्मक सङ्घीय लोकतान्त्रिक गणतन्त्रात्मक संसदीय शासन प्रणाली, शक्ति पृथकीकरण एवं नियन्त्रण र सन्तुलनको सिद्धान्त तथा सार्वभौमसत्ता र राजकीयसत्ता नेपाली जनतामा निहित रहेको संविधानको आधारभूत प्रस्थापनामाथि आँच पु¥याउँदै तिनलाई कमजोर तुल्याएको एमालेको विश्लेषण छ ।
राजनीतिक प्रश्नहरुको फैसला गर्ने राजनीतिक दलहरुको भएको एमालेले बताएको छ । निश्चित व्यक्तिका निश्चित आकाङ्क्षा परिपूर्तिका लागि सर्वोच्चले संविधानको अपव्याख्या गर्दै संविधान अप्रत्यक्ष रुपमा संशोधन गरिदिएको तर्क एमालेको छ ।
बैठकले एमालेभित्र देखिएको समस्या समाधान गर्न गठित कार्यदलले प्रस्तुत गरेको दस बुँदे प्रस्तावलाई पारित गर्दै त्यसको कार्यान्वयन गर्ने निर्णय गरेको छ ।
यस्ता छन् एमालेका निर्णय :
कमेन्ट गर्नुहोस्
Sign in with
Facebook Googleकमेन्ट पढ्नुहोस्
0 प्रतिकृया