पौडेलसहितका नेताद्वारा पार्टी कार्यालयको अनशनबारे देउवाको ध्यानाकर्षण
काठमाडौँ – नेपाली कांग्रेसका नेता रामचन्द्र पौडेल, महामन्त्री डा. शशांक कोइराला र नेता प्रकाशमान सिंहले क्रियाशील सदस्यताको विषयलाई लिएर पार्टी कार्यालय सानेपामा अनसन बसेकाहरूका समस्या सुन्न प्रधानमन्त्रीसमेत रहेका पार्टी सभापति शेरबहादुर देउवालाई आग्रह गरेका छन् ।
प्रधानमन्त्रीको सरकारी निवास बालुवाटारमा पुगेर नेताहरूले रौतहट र सर्लाहीको अनशनबारे प्रधानमन्त्रीको ध्यानाकर्षण गराएका हुन् ।
नेता पौडेलका स्वकीय सचिव चिरनजीवी अधिकारीले लोकतान्त्रिक पार्टीमा नेता कार्यकताले क्रियाशील सदस्यताको विषय उठाएर गरेको अनशनबारे सभापतिको ध्यानाकर्षण गराएको जानकारी दिए ।
क्रियाशील सदस्यताको विषयलाई लिएर रौतहटका पार्टी नेता कार्यकर्ता तीन महिनादेखि पार्टी कार्यालयमा अनशनमा छन् ।
त्यस्तै सर्लाहीका गोविन्दराम यादव एक सातादेखि क्रियाशील सदस्यताको विषयलाई लिएर आमरण अनशनमा बसेका छन् । उनको स्वास्थ्य अवस्था गम्भीर बन्दै गएको छ । आज उनलाई ज्वरो आएको स्वास्थ्यकर्मीहरूले बताएका छन् ।
कमेन्ट गर्नुहोस्
Sign in with
Facebook Googleकमेन्ट पढ्नुहोस्
0 प्रतिकृया