फिजियोलोजी अथवा मेडिसिनतर्फको नोबेल पुरस्कार पाबोलाई

काठमाडौँ- सन् २०२२ को फिजियोलोजी अथवा मेडिसिनतर्फको नोबेल पुरस्कार स्भान्ते पाबोलाई प्रदान गर्ने निर्णय गरिएको छ । कारोलिन्सकी इन्टिट्यूटको नोबेल एसेम्बलीले पाबोलाई विलुप्त भइसकेको होमिनिन र मानव विकासको जीनोमहरू सम्बन्धी खोजहरूका लागि दिने निर्णय गरेको हो ।

एकेडेमीले उल्लेख गरेअनुसार मानवता जहिले पनि यसको उत्पत्तिबाट चासो राखेको छ। ‘हामी कहाँबाट आएका हौं, र हामी पहिले आएकाहरूसित कसरी सम्बन्धित छौं? के हामीलाई, होमो सेपियन्स, अन्य होमिनिनहरू भन्दा फरक बनाउँछ?,’ जस्ता प्रश्नहरुबारे चासो व्यक्त गरिने गरिएको एकेडेमीले जनाएको छ । 

---

यसैलाई लिएर आफ्नो अग्रगामी अनुसन्धानको माध्यमबाट पाबोले असम्भव जस्तो देखिने कुरा हासिल गरेको एकेडेमीको भनाइ छ ।