नेपोलीका कप्तान इन्सिग्न्या एमएलएस खेल्न टोरोन्टो जाने
पुस २५, २०७८
काठमाडौँ- इटालियन क्लब नेपोलीका कप्तान लोरेन्जो इन्सिग्न्या अमेरिकी लिग एमएलएस खेल्ने टोरोन्टो एफसीसँग आबद्ध हुने भएका छन् । ३० वर्षीय विंगर इन्सिग्न्या जुलाई १ मा टोरोन्टोको खेलाडीका रुपमा दर्ता हुनेछन् ।
नेपाेलीको एकेडेमीका उत्पादन इन्सिग्न्या फ्रि–ट्रान्सफरमा टोरोन्टो जान लागेका हुन् । उनी सन् २०१२ यता नेपोलीबाट नियमित रुपमा खेलिरहेका छन् । सन् २०१० मै सिनियर टिमबाट डेब्यु गरेका इन्सिग्न्याले केही सिजन लोनमा लोनमा बिताएका थिए ।
इटालियन राष्ट्रियबाट गत वर्ष युरो जितेका इन्सिग्न्याले कुल ४१६ खेल खेलिसकेका छन् । ती खेलमा उनले ११४ गोल गरेका छन् भने ९१ असिस्ट दर्ता गरेका छन् । नेपोलीमा लिग च्याम्पियन बन्न नसके पनि उनले तीन घरेलु कप भने जितेका छन् ।
