मकवानपुर- प्रथम वागमती प्रदेश खेलकुद प्रतियोगितामा मकवानपुरको महिला फुटबल टोली प्रदेश च्याम्पियन भएको छ । आज शनिबार बागमती प्रदेशको काभ्रे जिल्ला धुलिखेलमा भएको फाइनल खेलमा धादिङलाई १–० गोल अन्तरले पराजित गर्दै मकवानपुर च्याम्पियन भएको हो ।

फाइनल खेलमा विजयी हुँदै मकवानपुरका चेली टाेलीले पहिलोपटक उपाधि जित्न सफल भएको हो । यसै प्रतियोगिताको पुरुष फुटबलको उपाधि पनि मकवानपुरले नै जितेको थियो । मकवानपुरको पुरुष क्रिकेट टोली पनि प्रदेश च्याम्पियन भएको थियो । हेटौंडाबाट सुरु भएको यस प्रतियोगिता विभिन्न जिल्लामा सञ्चालन भएर आजै धुलिखेलमा समापन हुँदैछ ।