मकवानपुरमा हावाहुरीले लियाे एक जनाको ज्यान
चैत ८, २०७८
मकवानपुर – आज दिउँसो मकवानपुरमा चलेको तिव्र हावाहुरीले रूखको हाँगा भाचिएर लाग्दा एक जनाको मृत्यु भएको छ ।
मकवानपुरको मनहरी गाउँपालिका ६ रुपाचुरीमा हावाहुरीको कारण रुखको हाँगाले लाग्दा पैदल यात्रा गरिरहेका स्थानीय ४८ वर्षिय बुद्धि बहादुर घलानको मृत्यु भएको जिल्ला प्रहरी कार्यालय मकवानपुरले जनाएको छ।
चिलाउनेटार सामुदायिक वन उपभोक्ता समुहको वन क्षेत्र भित्रबाट कटान मुछान गरेर घर फर्कने क्रममा हावाहुरीको कारण रुखको हाँगाले लागेर घलानको मृत्यु भएको हो ।
घटनास्थल इलाका प्रहरी कार्यालय मनहरीबाट २ घण्टाको दुरीमा पर्दछ ।
