काठमाडौँ- सीजीले साना घरायसी सामाग्रीहरुको दशैं-तिहार उपहार योजना ल्याएको छ।  नेपालकै सबैभन्दा ठूलो इलेक्ट्रोनिक्स् ब्राण्ड सीजी अन्तर्गतको सीजी स्मार्ट डोमेस्टिक एप्लाएन्सेस्‌ले यसपालीको दशैं, तिहार, तथा छठको चाडपर्वलाई लक्षित गर्दै नयाँ उपहार योजना बजारमा ल्याएको हो ।

सीजीसँग यो पर्व, 'गरौं गर्व' नामक यस योजना अन्तर्गत कम्पनीले विभिन्न बम्पर तथा साप्ताहिक उपहारहरु लिएर आएको छ । यस योजना अन्तर्गत ग्राहकहरुका लागि सीजी का साना घरायसी सामाग्रीहरुको खरिदमा बम्परमा ५५" ओएलइडी टीभी १ जनालाई, दुवई भ्रमण १ जनालाई, मेगौली सेराइको बसाइ २ जनालाई तथा हरेक हप्ता कार भ्याकुम ४ जनालाई जित्ने मौका रहेको छ ।

कम्पनीका अनुसार ग्राहकवर्गहरुले यस योजनासँगे सीजीका स्मार्ट उत्पादनहरु घर ल्याइ गर्वका साथ नेपालको आफनै गुणस्तरीय ब्राण्ड प्रयोग गर्न सक्नेछन् भने आकर्षक उपहारहरुको आनन्द लिइ आफ्नो पर्वलाई महापर्व बनाउन सक्नेछन् । यो आकर्षक योजना कम्पनीले भाद्र ११, २०७९ देखि देशभरमा सिमित अवधिका लागि लागू गरेको छ।