काठमाडौँ – घरेलु टोली श्रीलंकाविरुद्धको पहिलो टी-ट्वान्टी खेल अष्ट्रेलियाले १० विकेटले जितेको छ । जितसँगै ३ खेलको सिरिजमा पाहुना टोली अष्ट्रेलियाले १-० को अग्रता लिएको छ । 

मंगलबार राति कोलम्बोमा भएको खेलमा अष्ट्रेलियाले १ सय २९ रनको लक्ष्य कुनै पनि विकेट नगुमाएर १४ ओभरमा पुरा गर्‍यो । अष्ट्रेलियाको जितमा डेभिड वार्नरले अविजित ७० रन तथा कप्तान आरोन फिन्चले अविजित ६१ रनको योगदान गरे । 

यस अघि टस हारेर पहिले ब्याटिङ गरेको श्रीलंका १९ ओभर ३ बलमा अलआउट हुँदै १ सय २८ रनमा समेटियो । श्रीलंकाका लागि चारिथ असालाङकाले ३८ तथा पाथुम निसांकाले ३६ रन जोडे । 

अष्ट्रेलियाका लागि जोश ह्याजलउडले सर्वाधिक ४ तथा मिचेल स्टार्कले ३ विकेट हात पारे ।