जुमले कटौती गर्यो १ हजार बढी कर्मचारी
न्युयोर्क- कोरोना महामारीमा सर्वाधिक प्रयोगमा आएको भिडियो कन्फ्रेन्सिङ माध्यम जुमले १ हजार ३ सय कढी कर्मचारी कटौती गरेको छ ।
कोरोना महामारीको स्थीति नियन्त्रणसँगै जुमको प्रयोग सुस्ताएको र सम्भावित आर्थिक मन्दीलाई मध्यनजर गर्दै कर्मचारी कटौती गरेको अन्तर्राष्ट्रिय समाचारहरूले जनाएका छन् ।
समाचार अनुसार कोरोना महामारी घट्दै गएसँगै भिडियो कन्फ्रेन्सिङ माध्यम जुमको प्रयोगमा निकै कमी आएको छ । सन् २०२२ मा कम्पनीको नाफा करिब ३८ प्रतिशतले घटेको छ ।
जुमका कार्यकारी अधिकृत एरिक युआनले आगामी आर्थिक वर्षको लागि ९८ प्रतिशतको आफ्नो तलब कटौती गर्ने र आफ्नो बोनस त्याग गर्ने घोषणा गरेका छन् ।
यसैगरी, कार्यकारी नेतृत्व टोलीको तलबमा समेत २० प्रतिशतले कटौती गरिएको छ । यद्यपी कर्मचारीहरूको १६ महिनाको तलबसहित स्वास्थ्य सुविधा र वार्षिक बोनस प्राप्त गर्ने भने सक्नेछन् ।
