नानिङ - दक्षिण चीनमा डुङ्गा दुर्घटना हुँदा आठ जनाको मृत्यु  भएको छ भने १३ जना घाइते भएका छन् । स्थानीय अधिकारीहरुका अनुसार गाङ्सी झुआङको बिहाई नगरको तटीय इलाकामाछा मार्न प्रयोग गरिएको उक्त डुङ्गामा ६१ जना सवार रहेका थिए । समुद्रमा माछा मारेर फर्कने क्रममा उक्त डुङ्गा दुर्घटनाग्रस्त भएको थियो ।

घाइतेहरूलाई स्थानीय अस्पतालमा भर्ना गरिएको छ । ज्यान जोगाउन समुद्रमा हाम फालेका अन्य व्यक्तिलाई सकुशल उद्धार गरिएको थियो । डुङ्गामै सवार डुङ्गाका मालिकलाई स्थानीय प्रहरीले पक्राउ गरेको छ । उक्त दुर्घटनाका बारेमा स्थानीय प्रशासनले छानबिन सुरु गरेको छ । रासस