दाहाल-नेपाललाई ओलीको चुनौती : हटाएर देखाऊ
फाइल तस्बिर
काठमाडौँ : प्रधानमन्त्री केपी शर्मा ओलीले आफूलाई प्रधानमन्त्री पदबाट हटाएर देखाउन दाहाल-नेपाल समूहलाई चुनौती दिएका छन् । आइतबार प्रधानमन्त्री ओलीले आफ्नै निर्वाचन क्षेत्रमा निर्माण गर्न लागिएको चाइना नेपाल फ्रेण्डसीप इन्डस्ट्रियल पार्कको शिलान्यास गर्दै यस्तो चुनौती दिएका हुन् । ‘मैले सुनेको छु अविश्वासको प्रस्ताव ल्याएर हटाउने रे । ल ल्याएर हटाएर देखाउनुस् ।अविश्वासको प्रस्ताव राख्नुस्, पास गर्नुस्’ उनले भने ।
प्रमुख प्रतिपक्षीको ढोका ढकढकाउनेले आफ्नै दलभित्र अविश्वासको प्रस्ताव ल्याएर हटाउन उनले चुनौती दिँदै भने, ‘प्रभु संसद पुनःस्थापना भइसक्यो, यो केपी ओलीलाई हटाउन सकिँदैन । प्रभुले प्रधानमन्त्री स्वीकार गरिदिनुपर्यो । विभिन्न थरी नन्दी भृङ्गी मिलेर सरकार बनाऊँ ।’
मुलुकमा भइरहेको विकासलाई देख्न नसकेर आफूलाई हटाउन खोजेको आरोप पनि उनले लगाए । ओलीले दाहाल-नेपाललाई कांग्रेस सभापति शेरबहादुर देउवाले विश्वास नगरेको बताउँदै भने, ‘तपाइँहरु कुन पार्टीको हो भनेर जनता समाजवादीका पार्टीले सोधेपछि नेताहरु झन झस्केका छन् ।’
कमेन्ट गर्नुहोस्
Sign in with
Facebook Googleकमेन्ट पढ्नुहोस्
0 प्रतिकृया