गण्डकीमा मुख्यमन्त्रीका दावेदार कांग्रेसका पाण्डे भारी मतले विजयी
मंसिर ७, २०७९
पोखरा- गोरखा- २ (२) बाट नेपाली कांग्रेसका उम्मेदवार सुरेन्द्रराज पाण्डे विजयी भएका छन् । पाँच दलिय गठबन्धनका उम्मेदवार पाण्डे १६ हजार आठ सय ८२ मत ल्याएर विजयी भएका हुन् ।
पाण्डेले नेपाल कम्युनिस्ट पार्टी (एमाले)का वसन्त गुरुङले ११ हजार पाँच सय २२ मतको फराकिलो अन्तरले पराजित गरेका हुन् । एमालेका गुरुङले ५ हजार ३ सय ६० मत प्राप्त गरे ।
विजयको औपचारिक घोषणा हुन भने बाँकी रहेको सहायक निर्वाचन अधिकृत शिव रेग्मीले जानकारी दिए । सो क्षेत्रमा कुल २७ हजार चार सय ३० मत खसेको थियो । गोरखा २ (२) बाट विजयी पाण्डे गण्डकी प्रदेशको मुख्यमन्त्रीको दावेदार हुन् ।
