कांग्रेस सांसदहरूको नाराबाजी, प्रतिनिधि सभा बैठक १० मिनेटका लागि स्थगित
फागुन २३, २०७७
काठमाडौँ : प्रतिनिधिसभा बैठक १० मिनेटका लागि स्थगित भएको छ । दाहाल–नेपाल समूहका सांसद्ले बहिष्कार गरेलगत्तै संवैधानिक परिषद्सम्बन्धी अध्यादेशको विरोधमा नेपाली कांग्रेसका सांसद्ले विरोध जनाएपछि सभामुख अग्नीप्रसाद सापकोटाले बैठक स्थगित गरेका हुन् । दलको असहमतिका बीच सरकारले अध्यादेश संसद्मा पेस गरेपछि कांग्रेस सांसदहरूले नाराबाजी गरेका हुन् ।
यसअघि कार्यसूचीमाथि असहमति जनाउँदै दाहाल-नेपाल समूहका सांसदहरूले बैठक बहिष्कार गरेका थिए । बैठक सुरु हुनासाथ दाहाल-नेपाल समूहले सरकारको राजनीतिक र कानुनी हैसियतमाथि प्रश्न उठाउँदै कार्यसूची अघि नबढाउन चेतावनी दिएको थियो ।
