महिला तथा बालबालिकाका लागि अस्पताल बनाउँदै वीरेन्द्रनगर
मंसिर २८, २०७९
सुर्खेत । वीरेन्दनगर नगरपालिकाले महिला तथा बालबालिकाका लागि पाँच शैयाको अस्पताल बनाउन लागेको छ । नगर अस्पताल परिसरमा महिला र बालबालिकाका लागि पाँच शैयाको अस्पताल निर्माणका लागि आज शिलान्यास गरिएको छ।
नगर प्रमुख मोहनमाया ढकाल र कर्णाली प्रदेशसभा सदस्य यामलाल कँडेलले संयुक्त रुपमा अस्पतालको शिलान्यास गरेका हुन्। नगरपालिकाले सञ्चालन गरेको ब्याक टु लाइफ संस्थाको ६ करोड रुपैयाँ सहयोगमा अस्पताल निर्माण सुरु गरिएको छ।
१५ महिनाभित्र निर्माण सम्पन्न गर्ने गरी काम सुरु गरिएको नगर प्रमुख ढकालले जानकारी दिइन्। भवन निर्माणपछि बाल र स्त्री रोग विशेषज्ञसहितको टोलीले नियमित उपचार सेवा प्रदान गर्ने ढकालले जानकारी दिइन् ।
