सचिनको दुई विश्व कीर्तिमान तोड्ने संघारमा कोहली
काठमाडौँ- मंगलबारबाट सुरु हुने पाहुना टोली श्रीलंकाविरुद्धको तीन खेलको एकदिवसीय क्रिकेट सिरिजका क्रममा भारतीय ब्याट्सम्यान विराट कोहलीले सचिन तेन्दुलकरको दुई विश्व कीर्तिमान तोड्न सक्ने भएका छन् ।
हिन्दुस्तान टाइम्सले जनाए अनुसार कोहलीले पूर्व भारतीय ब्याट्सम्यान सचिनको एकदिवसीयमा रहेको दुई विश्व कीर्तिमान तोड्ने अवस्थामा पुगेका हुन् ।
घरेलु मैदानमा सचिनले एकदिवसीयमा सर्वाधिक २० शतक प्रहार गरेका छन् । सचिनले १ सय ६४ खेलमा २० शतक पुरा गरेका छन् । जबकी कोहलीले घरेलु मैदानमा १९ शतक प्रहार गरिसकेका छन् ।
कोहलीले भने १ सय १ खेलमै १९ शतक पुरा गरेका छन् । यदि कोहलीले श्रीलंकाविरुद्ध दुई शतक पुरा गरे, उनले सचिनको कीर्तिमान तोड्नेछन् ।
त्यसैगरी, सचिन र कोहलीले मात्र श्रीलंकाविरुद्ध सर्वाधिक ८-८ शतक पुरा गरेका छन् । यदि कोहलीले शतक पुरा गरे उनले सचिनको कीर्तिमान तोड्ने छन् ।
