काठमाडौँ- त्रिवि क्रिकेट मैदानमा आजबाट सुरु भएको नेपाल टी-ट्वान्टी क्रिकेट लिगमा लुम्बिनी अल स्टार्सले जित हात पारेको छ । आफ्नो पहिलो खेलमा लुम्बिनीले फार वेस्ट युनाइटेडलाई ६७ रनले पराजित गरेको हो ।

जितका लागि १ सय ५३ रनको लक्ष्य पछ्याएको फार वेस्टले १६ ‌ओभर २ बलमा सबै विकेट गुमाउँदै ८५ रनमात्र जोड्यो । फार वेस्टका लागि कप्तान हसमातुल्लाह साहिदीले सर्वाधिक ३५ रनको जोडे । लुम्बिनीका दिपेन्द्र सिंह ऐरी ३ र सागर ढकालले २ विकेट हात पारे ।  

यसअघि टस जितेर पहिले ब्याटिङ गरेको लुम्बिनीले निर्धारित २० ओभरमा ७ विकेट गुमाउँदै १ सय ५२ रन जोड्यो । लुम्बिनीका लागि लाहिरु मिलान्थाले सर्वाधिक ६० रन तथा कप्तान दिपेन्द्र सिंह ऐरीले ३५ रन बनाए ।

फार वेस्टका करण केसी र उमाइर अलीले समान ३-३ विकेट लिए ।