आइपीएलको मेगा अक्सनमा नेपालबाट सन्दीप मात्रै
माघ १८, २०७८
काठमाडौँ : आइपीएलको मेगा अक्सनमा नेपालबाट सन्दीप लामिछाने मात्रै छनौट भएका छन् । आइपीएलको अक्सनका लागि नेपालबाट १५ जना खेलाडीले नाम दर्ता गरेपनि बीसीसीआईले सन्दीप लामिछानेलाई मात्रै मेगा अक्सनका लागि छनौट गरेको हो ।
अक्सनमा सन्दीपको मुल्य ४० लाख भारु तोकिएको छ । यसअघि सन्दीपले दिल्लीबाट आइपीएल खेलेका थिए । तर गएको सिजनमा उनी बिक्री हुन सकेनन् । विश्वकै सर्वाधिक चर्चित मानिने आइपीएल खेल्ने सन्दीप लामिछाने पहिलो र एक मात्रै नेपाली क्रिकेटर हुन् ।
