युक्रेनमा रहेका नेपालीहरू सुरक्षित, यात्रा नगर्न परराष्ट्रको आग्रह
फागुन ११, २०७८
काठमाडौँ– युक्रेनमा जारी तनावका बीच त्यहाँ रहेका नेपालीलाई स्वदेश फर्कनुपरेमा व्यवसायिक हवाई उडान प्रयोग गरी फिर्ता हुन परराष्ट्र मन्त्रालयले आग्रह गरेको छ । जर्मनीको बर्लिनस्थित नेपाली दूतावासले युक्रेनमा रहेका ३८ भन्दा बढी नेपाली नागरिकसँग सम्पर्क भएको र उनीहरू सकुशल रहेको बताएको छ ।
अत्यावश्यक परेका खण्डमा युक्रेनमा रहेका नेपाली नागरिकले सहजीकरणका लागि मस्को (रुस) र बर्लिन (जर्मनी)मा रहेका दूतावासका अधिकारीहरूलाई सम्पर्क गर्न भनिएको छ ।
त्यस्तै, अत्यावश्यक अवस्थामा बाहेक युक्रेन भ्रमण नगर्न नेपालीहरूलाई मन्त्रालयले आग्रह गरेको छ ।
