मकवानपुर । दुईदिनदेखि परेको निरन्तर वर्षाले हेटौंडाबाट काठमाडौं जाने दुई वटा राजमार्ग अवरुद्ध भएको छ ।

प्रहरी चौकी भैंसे,मकवानपकीका अनुसार गएराति ८ बजे पहिरो जाँदा मकवानपुर भिमफेदी गाउँपालिका २ ज्यालटारस्थित हेटौडा-भैसे-भिमफेदी-कुलेखानी-काठमाडौ सडकखण्ड अवरुद्ध भएको छ । 

यसैगरी मकवानपुर बकैया गाउँपालिका वडा ११ लामराङस्थित कान्ति लोकपथ सडक खण्डमा पनि गए राति पहिरोले बाटो अवरुद्ध भएको छ ।

दुवै स्थानको  जोखिमपूर्ण पहिरो भएकोले सडक विभागसँगको समन्वयमा बिहानबाट मात्रै बाटोको अवरोध हटाउन प्रयास थालिने मकवानपुर जिल्लाका प्रहरी प्रवक्ता टेकबहादुर कार्कीले बताए ।