काठमाडौँ - नेकपा माओवादी केन्द्रका नेता नारायणकाजी श्रेष्‍ठ र नेकपा महासचिव नेत्रविक्रम चन्दबीच भेटवार्ता भएको छ । बुधबार बिहान श्रेष्ठ निवासमा नेताद्वयबीच भेटवार्ता भएको हो । 

भेटमा एमसीसी अनुमोदनपछि निम्त्याएको राजनितिक संकट र कम्युनिस्ट क्रान्तिकारी धुव्रीकरणलगायत विषयमा कुराकानी नेकपाका केन्द्रीय सदस्य असलले जानकारी दिए । उनकाअनुसार श्रेष्ठले माओवादी अध्यक्ष प्रचण्डले अन्तिममा आएर एमसीसीमा धोका दिएको बताएका थिए । 

प्रतिनिधि सभाबाट एमसीसी पास भएपछि माओवादी नेता श्रेष्ठ अध्यक्ष प्रचण्‍सँग असन्तुष्ट छन् । श्रेष्‍ठ यथास्थितिमा एमसीसी पास गर्न नहुने अडानमा थिए । संसद्‍मा व्याख्यात्मक घोषणासहित एमसीसी अनुमोदन गरिएपछि चन्द नेतृत्वको नेकपाले विरोध जनाउँदै संघर्ष गरिरहेको छ ।