चाँगुनारायण नगर क्षेत्रमा बंगुर फार्म सञ्चालनमा रोक
भक्तपुर – चाँगुनारायण नगरपालिकाले आफ्नो क्षेत्रमा बंगुरपालनमा रोक लगाएको छ । नगरपालिकाले आफ्नो नगरपालिका क्षेत्रभित्र फार्म सञ्चालन गरी बंगुरपालन गर्न निषेध गरेको हो ।
केही दिनअघि बसेको नगरसभा बैठकले नगर क्षेत्रमा बंगुर फार्म सञ्चालन गर्न नपाइने निर्णय गरेको थियो । नगरपालिकाले बिहीबार सूचना जारी गरेर आगामी ५ मंसिरभित्र सबै बंगुर फार्म हटाउन निर्देशन दिएको छ ।
फार्मले नगरभित्र फोहर र प्रदूषण बढाएका, प्राकृतिक सौन्दर्यतामा असर पुर्याएको, फार्ममा उत्सर्जन हुने फोहर र ढल खोलादेखि स–साना खहरेमा सिधै हाल्ने गरेको र बस्तीमा प्रदूषण फैलाएको जनाउँदै बंगुर फार्म सञ्चालनमा रोक लगाएको सूचनामा उल्लेख छ । स्थानीय बासिन्दाले फार्मबाट फोहर र प्रदूषण बढेकाले त्यस्ता फार्म बन्द गर्न माग गरेकाले नगरसभाले नै यस्तो निर्णय गरेपछि सो निर्णय कार्यान्वयनमा ल्याइएको नगरप्रमुख सोमप्रसाद मिश्रले जानकारी दिए ।
नगरपालिकाले बिहीबार जारी गरेको सूचना :
