कैलाली- बैतडीमा भतिजीलाई करणी गरेको आरोपमा काका पक्राउ परेका छन् । सिगास गाउँपालिकाका २२ वर्षीय युवक पक्राउ परेको इलाका प्रहरी कार्यालय पाटनका प्रहरी निरीक्षक कमल चौधरीले बताए । ती युवकलाई १५ वर्षीया किशोरी करणीको आरोपमा हिजो पक्राउ गरिएको हो ।

गत पुस १५ गते करणी गरेको भएपनि घटना शुरुमा गाउँमै मिलाउन खोजिएकाले ढिला गरी सार्वजनिक भएको प्रहरीले बताइएको छ। 

घरमा कोही नभएका वेला ती युवकले भतिजीमाथि करणी गरेको आरोप छ । आरोपितलाई इलाका प्रहरी कार्यालय पाटनको हिरासतका राखेर अनुसन्धान भइरहेको बताउँदै युवकमाथि जबरजस्ती करणी सम्बन्धी मुद्दा दर्ता भएर अदालतबाट म्याद थपी अनुसन्धान भइरहेको प्रहरीले बताएको छ ।