पाकिस्तानी सेनाको दुई आधार शिविरमा आतकंवादी हमला
काठमाडौँ - पाकिस्तानको बलुचिस्तान प्रान्तको नोस्की र पञ्जगुरमा पाकिस्तानी अर्धसैनिक बलको कार्यालयमा आतकंवादी आक्रमण भएको छ । यस आक्रमणमा कम्तीमा एक सैनिकको मृत्यु भएको छ, भने दुई जना घाइते भएका छन् ।
पाकिस्तानी सेनाको जनसम्पर्क विभागले जारी गरेको सूचना अनुसार पञ्जगुरमा आतंककारीहरूले दुई ठाउँबाट सेनाका अधिकारीहरूको कार्यालयमा प्रवेश गर्ने प्रयास गरेका थिए । तर समयमै कारबाही गरिएकाले आतकंवादी हमला विफल भएको सेनाले जनाएको छ ।
अर्कोतर्फ, नोस्कीस्थित फ्रन्टियर कोर्प्सको कार्यालयमा प्रवेश गर्ने आतकंकारीहरुको प्रयास असफल भएको छ । यस हमलामा चार आक्रमणकारीको मृत्यु भएको छ भने एक सैनिक घाइते भएका छन् ।
नवगठित पृथकतावादी संगठन बलुचिस्तान नेश्नलिस्ट आर्मीले ट्वीट गर्दै आक्रमणको जिम्मेवारी लिएको छ। बलुचिस्तानका आन्तरिक मन्त्री मिर जियाउल्लाह लांगुले बीबीसीसँग कुरा गर्दै दुवै आक्रमणको पुष्टि गरेका छन्।
बीबीसी
