सुरूङमा ट्यांकर विष्फोट हुँदा १७ जनाको मृत्यु
पुस ३, २०७९
काबुल - राजधानीको उत्तरी भागमा अवस्थित एक सुरूङमा इन्धन बोकेको एउटा ट्यांकर विष्फोट हुँदा १७ जनाको मृत्यु भएको छ भने अन्य ३२ जना घाइते भएका छन् ।
स्थानीय अधिकारीहरूका अनुसार विष्फोटनमा परेर महिला र बालबालिकासहित १९ जनाको ज्यान गएको तथा बाँचेकाहरू भग्नावशेषमा फसेकाले मृतकको सङ्ख्या बढ्नसक्ने संभावना छ ।
विष्फोटको कारणबारे तत्काल कुनै जानकारी प्राप्त भएको छैन । केही मृतकहरू नराम्ररी जलेकाले उनीहरूको पहिचान हुन सकेको छैन ।
पाँच जना महिला र दुई जना बालबालिकाको शव घटनास्थलबाट निकालिएको छ । शनिबार राति विष्फोटसँगै लागेको आगो आइतबारमात्र निभाइएको थियो ।
रासस
