कैलाली : किशोरीलाई बन्धक बनाएर जबरजस्तीकरणी गरेको आरोपमा पक्राउ परेका कैलालीका अर्जुन विक धरौटीमा छुटेका छन् । जिल्ला अदालत कैलालीमा बिहीबार भएको थुनछेक बहसपछि ५० हजार धरौटीमा रिहा गर्न आदेश भएको र धरौटी बुझाएर विक छुटेका हुन् । 

जिल्ला प्रहरी कार्यालय कैलालीका प्रवक्ता प्रहरी नायब उपरीक्षक प्रतीक विष्टले विक छुटेको पुष्टि गरे । विक जिल्लाको भजनी नगरपालिका–४ कि १३ वर्षीया किशोरीलाई चार वर्षसम्म बन्धक बनाएर जबरजस्ती करणी गरेको जाहेरीपछि पक्राउ परेका थिए ।

गत साउन १७ गते दुई वर्षीय छोरालाई पिठ्युमा बोकेर रिक्सा चलाएको फोटो सामाजिक संजालमा सार्वजनिक भएपछि विक फेसबुक रयुट्यूबमा भाइरल बनेका थिए ।