फोटो फिचर
सुनसान काठमाडौँमा चहलपहल बढ्यो
असोज २९, २०७८
काठमाडाैँ - दसैको टीका लगत्तै काठमाडौँ उपत्यकामा चहलपहल बढेको छ । चोक चोकमा जाम समेत बढेको छ । बिहान १० बजे टीकापछि नै काठमाडौँ उपत्यकामा चहलपहल बढेको हो । यसअघि गएका वर्षमा काठमाडौँमा टीका र टीकाको अघिल्लो दिन पूर्ण रुपमा सुनसान हुने गरेको थियो ।
तर यस वर्ष गएको वर्षको जस्तो सुनसान भने छैन । फाट्टफुट्ट गाडी चलेको छन् । निजी गाडी चलिरहदा सार्वजनिक गाडी पनि चल्न थालेका छन् ।
टीका लगाएसँगै टीका लगाउन आफन्तकहाँ जानेको चहलपहल छ भने यस वर्ष धेरैको टीका नभएका कारण पनि काठमाडौँमा चहलपहल घटेको छैन ।
कोभिड १९ महामारीका कारण धेरैले आफन्त गुमाउँदा टीका लगाउन घर गएका छैनन । केहीले व्यापार व्यवसाय पनि जारी राखेका छन् ।
